owasetyhini banker ne Mandrax zing ama 496 eQonce

By Lilitha Mdakana

Owasetyhini oneminyaka engama-34 ubudala ubanjiwe eGinsberg, eQonce, emva kokuba amapolisa efumene isixa esikhulu seziyobisi ngexesha lophando ngeCawa kusasa.

Ngokutsho kwe SAPS, amalungu eCandelo loThintelo loLwaphulo-mthetho enze uphando kwindlu ekurhaneleka ukuba isetyenziswa ukuthengisa iziyobisi.

Ngexesha lophando, amapolisa afumene iiMandrax ezili-496, iipakethe ezine ezincinci zesiyobisi icrystal meth (tik) kunye nemali ekurhaneleka ukuba inxulumene nokuthengiswa kweziyobisi.

Lo wasetyhini ujongene nezityholo ezinxulumene nokuba nokuthengisa iziyobisi, kwaye kulindeleke ukuba avele kwi Nkundla kaMantyi yaseQonce ngoLwesibini.

Amapolisa athi olu phando luyinxalenye yemisebenzi eqhubekayo ejolise ekulweni nasekuthinteleni ukusasazeka kweziyobisi kuluntu.