AMAPOLISA AMABINI ASEMPUMA KOLONI ABULEWE ELIBODE
by Lilitha Mdakana
Amapolisa amabini adutyulwe abulawa ngelixa ephendula kwingxelo yokuphangwa kwesipaza shop eZiphunzana Location, eLibode, kufutshane neMthatha, ngentsasa yangoLwesihlanu, umhla we-18 kuSeptemba 2026.
La mapolisa, aneminyaka engama-51 nama-30 ubudala, ebengamalungu eMthatha National Intervention Unit nakwiPublic Order Policing Unit.
yawo ifunyenwe inamanxeba okudutyulwa, logama izixhobo zawo zomsebenzi kuthiwa zithathwe ngabarhanelwa.
IBambela likaKomishinala kaZwelonke weSAPS, uLieutenant General Puleng Dimpane, liyalele ukuba kusetyenziswe onke amandla afunekayo ukulandelela nokubamba abo babandakanyekayo kwesi senzo. Iqela elidibeneyo elivela kumasebe ahlukeneyo liyaphanda, logama amapolisa elandela ulwazi olufumeneyo.
UDimpane ukwathe makubuyiswe izixhobo zokusebenza zala mapolisa, waza wadlulisa amazwi ovelwano nentuthuzelo kwiintsapho zawo, koogxa bawo nakubo bonke abasebenzi beSAPS.
