Urhulumente Ulumkisa Ngokuthathwa Komthetho Ezandleni
UMphathiswa wamaPolisa obambeleyo, uFiroz Cachalia, ulumkise ngelithi urhulumente awuzukunyamezela ukuthathwa komthetho ezandleni ngokuchasene nabemi bangaphandle abangenawo amaxwebhu asemthethweni.
UCachalia uthe kuphela ngurhulumente onegunya lokunyanzelisa imithetho yezokufuduka kweli lizwe. Uthe amapolisa ayalelwe ukuba abambe nabani na obandakanyeka ekoyikiseni, ekuhlaseleni, ekuhlukumezeni okanye kwezinye izenzo ezingekho mthethweni ezijolise kubemi bangaphandle.
Ugxininise ukuba iinkxalabo ezinxulumene nokufudukela kwabantu kweli lizwe kufuneka zisonjululwe ngokulandela umthetho, hayi ngobundlobongela okanye ngokuthathwa komthetho ezandleni.
Urhulumente uphinde waqinisekisa ukuzibophelela kwawo ekugcineni umthetho nocwangco, ngelixa ukhusele amalungelo nesidima sabo bonke abantu.
