Sisanda Gqirana – Berlin November(Creative Director)
USisanda Gqirana Uqeshwe NjengoMlawuli Womsebenzi Wokuyila (Creative Director) Womdyarho Wamahashe I-Berlin November SA
Iqela lase Berlin November lamkele ngokusesikweni uNkosazana Sisanda Gqirana njengo Mlawuli wayo omtsha Wokuyila (Creative Director), nto leyo ebonisa isahluko esitsha esinomdla kwesinye seziganeko zenkcubeko nezentlalo zase Mzantsi Afrika ezaziwayo.
Enamava angaphezulu kweshumi leminyaka kwimizi-mveliso yemithombo yeendaba neyokuyila, u Sisanda Gqirana uzisa ubutyebi bolwazi, ukutsha (innovation), nobunkokeli kwibhendi ye Berlin November. Eyintombi eqhayisa ngeMpuma Koloni, uzimise njengengcali ehlonitshwayo ekubaliseni amabali, kwisicwangciso-qhingo semithombo yeendaba, nakwimveliso yokuyila — izakhono eziya kudlala indima ephambili ekuphakamiseni amava e Berlin November ukuya kwinqanaba eliphezulu.
Njengo Mlawuli Wokuyila osandul’ ukuqeshwa, u Gqirana uya kuba noxanduva lokubumba isikhokelo sokuyila sonke sesiganeko, ukwahluka kwebhendi, kunye namaqhinga okubandakanya ababukeli. Ukuqeshwa kwakhe kubonisa umbono ohlaziyiweyo wokuqinisa indawo ye Berlin November njengesiganeko esiphambili sendlela yokuphila nezemidlalo esibhiyozela ilifa, imfashini, umculo, kunye nobuchule bomdyarho wamahashe.
> “Esi asisosiganeko nje kuphela — yimbhiyozo yokuba singobani njengabantu. Ndiwongekile ukuba negalelo kwinto edibanisa uluntu, exhasa italente yalapha ekhaya, kwaye ibonisa inkcubeko ecacileyo nephilileyo yeMpuma Koloni,” utshilo u Gqirana.
>
Ukuqeshwa kwakhe kukwabonisa ukuzibophelela okuqhubekayo kwe Berlin November ekutshisheni nasekufakeni abantu bonke, ukuqinisekisa ukuba isiganeko sonyaka sihlala siyindawo enamandla yobume benkcubeko kunye nempembelelo kwezoqoqosho.
Ngoku kunyaka wayo we-12, uMdyarho Wamahashe i Berlin November SA uyaqhubeka nokukhula njengesiganeko senqanaba lehlabathi esitsala amawaka eendwendwe, abayili, kunye nabanini-zabelo. Ngobunkokeli bokuyila buka Sisanda Gqirana, esi siganeko silungele uguquko olungenakulibaleka — olulinganisela isithethe nobuchule bangoku.
Ngolwazi oluthe vetshe, ndwendwela: www.berlinnovember.co.za.
