Kubulawe Amadoda Amathathu eKwanobuhle

By Lilitha Mdakana 

KWANOBUHLE – Amapolisa aseMzantsi Afrika (SAPS) eKwanobuhle aphenya ityala lokubulawa kwabantu abathathu emva kokufunyanwa kwezidumbu zamadoda amathathu ezinamanxeba okudutyulwa e Peace Village, eKwanobuhle, ngentsasa yangoMvulo, 3 Agasti 2026.

Ngokwengxelo yamapolisa, afumene umnxeba malunga nentsimbi ye-09:35 wokuba kukho izidumbu kumatyholo ajongeneneThuthula Street. Ekufikeni kwawo afumanise ukuba amadoda amathathu sele ebhubhile ngenxa yamanxeba okudutyulwa.

Amaxhoba achongwe njengo-Alwaba Toba (17), Ayabonga Jantjie (20) no-Bonginkosi Matunbu (22). Izazisi zabo ziqinisekiswe ngamalungu eentsapho zabo kwindawo yesiganeko.

Isizathu solu hlaselo asikaziwa, kwaye akukho mntu ubanjiweyo okwangoku. Ityala liphandwa li-Sebe loPhando loLwaphulo-mthetho oluMbi (SVCI).

Amapolisa acela nabani na onolwazi olunokunceda uphando ukuba aqhagamshelane nomphandi wetyala, uLieutenant Colonel Sithole, kule nombolo 082 457 2812.

Ulwazi lunokunikwa ngokungachazangaamagama ngokufowunela iCrime Stop ku-08600 10111 okanye kusetyenziswe iMySAPS App.