Ityala labantu abangama-69 baseJeffrey’s Bay limiselwe elinye ixesha
HUMANSDORP – Ityala labantu abangama-69 ababanjwe emva koqhankqalazo olwaluchasene nabaphambukeli abangekho semthethweni eJeffrey’s Bay limiselwe umhla wama-23 KweyeDwarha 2026.
Aba bantu batyholwa ngokungena kwindawo yomnye umntu ngaphandle kwemvume kunye nokubandakanyeka kubundlobongela basesidlangalaleni.
Kutyholwa ukuba ngexesha loqhankqalazo, kwaphangwa iivenkile ze-spaza ezingama-23 kummandla waseOcean View.
Abantu abangama-60 bakhululwe phantsi kwesilumkiso, logama abasithoba abanamatyala angaphambili kufuneka bafake izicelo zebheyile.
Bonke aba bantu babanjwa emva koqhushululu olwenzeka ngomhla we-17 kweyeKhala 2026, xa uqhanqalazo olwaluchasene nabaphambukeli abangekho semthethweni lwajika lwaba nobundlobongela.
Amapolisa angenelele ukubuyisela ucwangco, logama abanye abantu bamanye amazwe besiwa kwiindawo ezikhuselekileyo ngenxa yokoyikela ukhuseleko lwabo.
Amapolisa aseMpuma Koloni athi athumele amagosa ongezelelweyo kummandla waseKouga ukuze aqinise ukhuseleko nokuthintela ezinye iziganeko zobundlobongela.
Abarhanelwa abangama-69 kulindeleke ukuba baphinde bavele kwiNkundla kaMantyi yaseHumansdorp ngomhla wama-23 kweyeDwarha 2026, logama amapolisa eqhubeka nophando.
