ISIZWE SILILELA ABADLALI BEZEMIDLALO ABAWUTSHA ABAZIBILEYO
UMzantsi Afrika utshone kwelokulilima emva kokubhubha kuka-midfielder we-Bafana Bafana kunye ne-Mamelodi Sundowns, uJayden Adam (25), kunye nowayesakuba ngumdlali we-SA Under-18 rugby, uLuqobo Makwedini (20).
Ukuhamba kwala magorha mabini abenetalente kushiye isizwe sonke sothukile, kwaye imiyalezo yovelwano iyatheleka ivela kubalandeli bezemidlalo, amaqela, kunye neenkokeli zelizwe. UMongameli uCyril Ramaphosa udibene nesizwe ekuthuthuzeleni iintsapho kunye nezihlobo zaba badlali abaselula.
URamaphosa uthe kubuhlungu kakhulu ukuba ilizwe likwimo yosizi ngelixa abantu baseMzantsi Afrika besabhiyozela impumelelo yebhola ekhatywayo kunye nombhoxo kwicandelo lamazwe ngamazwe. Ubancome aba badlali ngokumela uMzantsi Afrika ngeqhayiya nangokukhuthaza abantu abaninzi abaselula ngenxa yeempumelelo zabo.
Njengoko ilizwe lisikhumbula ubomi kunye nomsebenzi wabo, abantu baseMzantsi Afrika bakhumbula uJayden Adams kunye noLuqobo Makwedini ngetalente, ukuzinikela, kunye negalelo labo kwezemidlalo. Ukuhamba kwabo kushiye isithuba esikhulu eluntwini lwezemidlalo, kodwa ilifa abalishiyileyo liza kuqhubeka likhuthaza izizukulwana ezizayo.
