Ingozi Embi yeMotor yeNzeke kwi-R72
By Thandokazi Zazi
Ingozi yeMoto kuR72 ibangele ukusweleka komntu omnye kunye nokonzakala kwabanye ababini.
Umqhubi welori ethutha isonka usweleke kwingozi yemoto eyenzeke kufutshane naseKenton-on-Sea.
Ingozi ibandakanya ukungqubana kweelori ezimbini, enye ithwala isonka, enye yeyentengiso. Le ngozi yenzeke kusuku lwangoLesihlanu kusasa phakathi kweAlexandria neKenton-on-Sea kuhola wendlela uR72.
Ngokwengxelo, ilori yezonka ibisiya eAlexandria, ngelixa enye ilori isuka kwelinye icala. Ezi lori zingqubane ngqo malunga nentsimbi yesithandathu kusasa, ngexesha ilori yesonka ibihambisa isonka kwiivenkile zasekuhlaleni.
Amapolisa aqinisekisile ukuba umqhubi welori yesonka usweleke kwangoko kwindawo yengozi. Omnye umntu owayekhwele kunye naye, kunye nomqhubi welori yesibini, bonzakele kabuhlungu baza bathuthwa ngokukhawuleza basiwa kwisibhedlele iLivingstone eGqeberha.
Abasemagunyeni bayacela ukuba abaqhubi bahlale beqaphile xa bedlula kuhola wendlela uR72, njengoko kuphando oluqhubekayo lusazama ukufumanisa unobangela wale ngozi.
