Abazali baqhube uqhankqalazo kwiSikolo seSekondari eKomani
Abazali kwisikolo sesekondari ngaphandle kwaseKomani baqhube uqhankqalazo bafuna ukugxothwa kwenqununu. Olu qhankqalazo lulandela ukubuya kwenqununu esikolweni emva kokuba ibikhutshiwe okwethutyana ngenxa yezityholo zokungaziphathi kakuhle.
Abazali abanomsindo bathi sele kuyiminyaka beyivakalisa imiba yabo kodwa baziva ngathi izikhalazo zabo azihoywa. Bavale iingango zeeklasi baphazamisana nezifundo ukuze kuvakale amazwi abo, begxininisa ukuba inqununu mayingavunyelwa ukuba ibuye.
ISebe lezeMfundo eMpuma Koloni sele lidibene nabo bazali kwaye liqinisekisile ukuba inqununu iza kuhlala kude nesikolo ngelixa lo mba usaqwalaselwa. Abazali bathi baza kuqhubeka beyijongile le meko de kufumaneke isisombululo esisisigxina.
