Abafazi ababini babulewe ngeembumbulu eLibode.
Abafazi ababini babulewe ngeembumbulu eLibode: Amapolisa acelela uncedo eluntwini
Lisanda kuvakala eli bhongo libuhlungu emva kokuba abafazi ababini bedutyulwe babulawa kwilali yaseGebane, eZinkumbini, kufutshane neLibode, ngalo Mvulo emva kwemini.
Ngokutsho kwamapolisa, ibhinqa elineminyaka engama-44 ubudala, elalisebenza njengonogada kwisikolo sasekuhlaleni, beligoduka emva komsebenzi ngentsimbi yesi-16:00 xa lidibana namadoda amabini angaziwayo. Omnye wabasolwa kuthiwa uqalise ukudubula, nto leyo eyenze ukuba eli bhinqa libaleke liye kwikhaya elikufuphi, apho bekukho elinye ibhinqa elineminyaka engama-65 ubudala.
Umsolwa kuthiwa uqhubekile nokudubula la mabhinqa omabini. Ngelishwa, bobabini basweleke kwindawo yesigameko ngenxa yokonzakala.
Umkhomishinala obambeleyo wesithili sase-OR Tambo, uBrigadier Vukile Ntuli, uwugxekile lo mkhuba kwaye ucele uluntu ukuba luphumele elubala ngolwazi olunokunceda amapolisa ekuphandeni kwawo.
Nabani na onolwazi olunokukhokelela ekubanjweni nasekugwetyweni kwabasolwa, uyacelwa ukuba aqhagamshelane nentloko yabaphenyi kwisikhululo samapolisa saseLibode, uWarrant Officer P. Nuku, kule nombolo: 083 665 3609. Ungakwazi kwakhona ukufowunela i-Crime Stop apha: 08600 10111, okanye usebenzise i-app ye-MySAPS ngokufihlakeleyo (ngaphandle kokuzichaza).
