UNondyebo ulumkisa ngeendleko ze-SRD
UNondyebo kaZwelonke ulumkise ngelithi ukwandiswa kwesibonelelo se-SRD kungabiza urhulumente phantse iibhiliyoni ezili-100 zeerandi ngonyaka.
Esi silumkiso siza phambi kwetyala eliza kuviwa kwiNkundla ePhakamileyo yeziBheno (SCA) ekupheleni kwale nyanga, apho urhulumente aza kube ephikisa isigqibo seNkundla ePhakamileyo esinokuvumela izigidi ezininzi zabantu ukuba zifanelekele isibonelelo se-R370 ngenyanga.
UNondyebo uthi inani labaxhamli linokunyuka lisuke ku8.3 yezigidi liye kwi-18 yezigidi. Uqikelela ukuba ukwandisa ukufikelela kwesi sibonelelo kungabiza urhulumente i-R93.5 yeebhiliyoni zerandi ngonyaka, kwaye iindleko zinganyuka ngakumbi ukuba isibonelelo sinyuselwa kwi-R450 ngenyanga.
Urhulumente uthi isibonelelo se-SRD sasungulwa njengoncedo lwexeshana ngexesha lobhubhane we-COVID-19, kwaye asizange siyilwe ukuba sibe sisibonelelo esisigxina esifikelela kubantu abaninzi ngolu hlobo.
INkundla ePhakamileyo yeziBheno kulindeleke ukuba ilive eli tyala ngomhla wama-25 kwe EyeThupha 2026.
