UJacob Zuma utyumbe unyana wakhe uDuduzane njengosekela mongameli wokuqala weMK Party
Owayesakuba nguMongameli woMzantsi Afrika, u-Jacob Zuma, utyumbe unyana wakhe uDuduzaneZuma njengo SekelaMongameliWokuqala weqela lo Mkhonto weSizwe (MK Party), nto leyo ethe yabangela ingxoxo ezibanzi kwezopolitiko kweli.
Esi sibhengezo senziwe yiMK Party ngoLwesibini njengenxalenye yohlengahlengiso olukhulu kubunkokeli beqela, olujolise ekuqiniseni amalungiselelo onyulo loomasipala luka-2026.
UDuduzane Zuma uthatha indawo ka John Hlophe, osusiweyo kwisikhundla sikaSekela Mongameli Wokuqala, kodwa aza kuqhubeka esebenza njengenkokeli yeMK Party ePalamente.
Olu hlengahlengiso lukwabandakanya nezinye iinguqu kubunkokeli obuphezulu beqela, kuquka nokutyunjwa kuka Tony Yengeni njengo Sekela Mongameli Wesibini.
Kwingxelo yayo, iMK Party ithe ezi nguqu zenzelwe ukomeleza ukusebenza kombutho, umanyano kunye nolawulo lwangaphakathi njengoko iqela lilungiselela amaphulo onyulo oluzayo.
Nangona kunjalo, ukutyunjwa kukaDuduzane Zuma kubangele ukugxekwa ngabahlalutyi bezopolitiko kunye namaqela aphikisayo, athi ukunyuselwa kwelungu losapho kwisikhundla esiphezulu kangaka kuphakamisa imibuzo malunga nenkululeko yangaphakathi yeqela kunye nokugxininiswa kwamandla kolusapho lakwaZuma.
Abaxhasi beMK Party bona bakhusela esi sigqibo, besithi uDuduzane ebesebandakanyeka ngakumbi kwimisebenzi nakubunkokeli beqela kwiinyanga ezidlulileyo.
Eli nyathelo kulindeleke ukuba liqhubekekise iingxoxo malunga nendima yosapho kwezopolitiko zaseMzantsi Afrika, njengoko iMK Party iqhubeka nokuzibeka njengenye yezona zinto zinamandla kwezopolitiko phambi konyulo loomasipala luka-2026.
