Oogqirha Bakuqinisekisa Ukubulawa Kokungakwazi Ukuphefumla KwiNgozi Ye-Enyobeni Tavern
eMonti – Iinkcukacha ezibuhlungu zivele kwakhona kwityala le-Enyobeni Tavern, apho kwasweleka khona abantu abatsha abangama-21 eScenery Park kwiminyaka emithathu edlulileyo.
Ebabesemagqabini enkundleni yeMantyi eMdantsane, uGqirha Zizo Phithi noGqirha Sithandiwe Kunyuza baqinisekisile ukuba crushed asphyxia (ukungakwazi ukuphefumla ngenxa yokuxinana kakhulu) yeyona nto ibangele ukufa. Oku kuthetha ukuba amaxhoba ayevalelwe engakwaz kuphefumla ngenxa yokuxinana okugqithisileyo kunye nokungabikho komoya owaneleyo.
Iziphumo zoqhaqho lwezidumbu zityhile ukugcwala kwezitho,ukophela ngaphakathi, kunye namanxeba avumelana nokuxinana kwabantu. Kwanikwa ingxelo yokuba bonke babesele utywala, imethanol, kunye ne-carbon monoxide emzimbeni. IMethanol yikhemikhali enobungozi efumaneka kwezinye iziselo ezingekho mthethweni nakwiimveliso zemizi-mveliso, engafanelekanga ukusela.
Oogqirha bachaze ukuba amaxhoba afumana“umonzakalo ophindwe kabini” – zixinanisiwe ngokwasemzimbeni ngelixa ziphefumla umoya onetyhefu, i-carbon monoxide iphezulu kakhulu kunesiqhelo. Kuthiwe iTavern yayisebenzisa i-generator ngenxa yokucima kombane, ngaphandle komoya owaneleyo.
Umboniso bhanhabhanya we-CCTV ibonise abasindileyo bekhutshwa phakathi komqulu wabantu, belwa ukuphefumla. Inkundla ive ukuba umnyango ophambili wawivaliwe ngelixa abantu besisigidi bengaphakathi, nto leyo eyenze ukuba kuphume kunzima.
Kukhona nemibango yokuba i-pepper spray yayisetyenziswa ngumphathiswa wokhuseleko kunye nepoli ngobo busuku, nto leyo enokubangela uloyiko, nangona oogqirha bethe ayisiyiyo eyona nto ibangele ukufa.
Ityala liya kuqhubeka ngomhla wama-20 kuAgasti 2025, xa uGqirha Kunyuza eqhubeka nobungqina bakhe, kwaye abokuqala ukufika endaweni yengozi belindeleke ukuba bathethe.
