Iinkonzo eluntwini.

Buffalo City Metropolitan Municipality:

Uqhuba Iindibano Zocwangciso Nokusetyenziswa Kwenkxaso-mali
KuGompo – UMasipala weSixeko saseBuffalo City uyaqhubeka neendibano ezijolise ekucwangciseni, ekuphunyezweni nasekusetyenzisweni kwenkxaso-mali yeeprojekthi zoluntu.

Ezi ndibano zidibanisa amagosa karhulumente, abathathi-nxaxheba kunye nabameli boluntu  ngenjongo yokuqinisekisa ukuba izicwangciso zophuhliso ziphunyezwa ngendlela ecacileyo nezinzileyo.

Ngokwemifanekiso ekhutshwe nguMasipala, iindibano zibone abathathi-nxaxheba benika izimvo, bexoxa ngemingeni kunye nokuphakamisa izisombululo ezijolise ekuphuculeni  iinkonzo kuluntu. UMasipala ukwabhengeze uthotho lweeseshoni zoluntu eziya kubanjelwa kwezi ndawo zilandelayo:

Skenjana Roji Community Hall, Bhisho:9 Juni 2026
Cambridge Community Hall, Monti: 10 Juni 2026
NU10 Community Hall: 11 Juni 2026
Iseshoni ye-Intanethi: 12 Juni 2026

La manyathelo ajolise ekukhuthazeni  intatho-nxaxheba yoluntu nasekuqinisekiseni ukuba imali karhulumente  isetyenziswa ngendlela ezisa uphuhliso kubahlali.