By Lilitha Mdakana

BUFFALO CITY – Amankazana angamapolisa kunye namagosa ezendlela aqokelele amandla kuwo wonke ummandla weBuffalo City phantsi kwe Operation Basadi, iphulo eliqhutywa ngenyanga Yabasetyhini elijolise ekomelezeni ukhuseleko loluntu nasekwandiseni ulwazi malunga nobundlobongela obusekelwe kwisini (GBV).

NgoLwesihlanu, nge-7 kuAgasti 2026, amagosa angabasetyhini aphuma kwizikhululo ezahlukeneyo zamapolisa, kunye namagosa ezendlela aseBuffalo City Metro, aqhube udibano lokuhlola izithuthi kuN6. Izithuthi zamiswa zaza zahlolwa, ngelixa abaqhubi bekhunjuzwa ngokubaluleka kokulwa ne-GBV. Izohlwayo zendlela ezixabisa ama-R27 950zakhutshwa ngenxa yezaphulelo ezahlukeneyo.

Kwi C Section yaseDuncan Village, umsebenzi wokuthintela ulwaphulo-mthetho ukhokelele ekubanjweni komrhanelwa ofunyenwe enentsangu (dagga). Kwelinye icala, amalungu okuThintela uLwaphulo-mthetho aseKuGompo abambe amadoda amane, aneminyaka ephakathi kwama-32 nama-47, ngezityholo ezinxulumene nokuphatha nokuthengisa iziyobisi.

NgeCawa, nge-9 kuAgasti, amagosa ebeqhuba umsebenzi wokumisa nokuphenya e Southernwood abambe inkazana eneminyaka engama-22 emva kokuba ifunyenwe inemipu engekho mthethweni kunye neembumbulu ezili-12 eziphilayo.

Kulo msebenzi, amagosa okhuseleko abhalise amatyala angama-27 okuqhuba phantsi kwempembelelo yotywalakwiindawo ezahlukeneyo zase Buffalo City. Abarhanelwa bakhululwa ngebheyile kamva.

UMlawuli woMmandla weBuffalo City, uMajor General CJ Wright, uncome amagosa angabasetyhini ngenxa yokuzinikela kwawo kunye nendima yawo ekulweni ulwaphulo-mthetho.

I Operation Basadi iza kuqhubeka kulo lonke inyanga kaAgasti, amapolisa esithi uluntu kufuneka lusebenzisane namagosa okhuseleko kwaye luxele imisebenzi ekrokrisayo kwisikhululo samapolisa esikufuphi.