I-BCMM IYIQINISEKISA ULUNTU: IINKONZO ZIYA KUQHUBEKA NANGONA KUKHO IZITHINTELO KWIZIBONELELO ZEMALI ZIKAZWELONKE

I-Bufalo City Metropolitan Municipality iqinisekise abahlali ukuba akusayi kubakho siphazamiso kwiinkonzo zikamasipala, nangona uNondyebo kaZwelonke (National Treasury) eceba ukubamba okwethutyana isabelo semali esisuka kurhulumente esijoliswe kumasipala sikaJulayi 2026.

Umasipala uthe usebenzisana ngokusondeleyo noNondyebo malunga nemicimbi yamatyala angazange avunywe, achithakeleyo, okanye asetyenziswe ngendlela engeyiyo (UIFWE) eyenzeka kwixesha elidlulileyo, kwaye bazithembile ukuba baya kuzizalisekisa zonke iimfuno ezifunekayo. I-BCMM ikwaphawule ukuba uNondyebo uyavuma ukuba kukho inkqubela phambili eyenziwe ngumasipala, kwaye iintetho zangoku zijolise ekunikezeleni ngolwazi olongezelelweyo kunye nobungqina.

Isixeko sikwabalule utshintsho olwenziwayo kulawulo ukuze kuqiniswe iliso kwindlela esetyenziswa ngayo imali. Nangona kukho le meko, abahlali baqinisekisiwe ukuba iinkonzo eziphambili ezifana namanzi, ucoceko, ukulungiswa kweendlela kunye nokuqokelelwa kwenkunkuma ziya kuqhuba njengesiqhelo. Abahlali bacelwa ukuba bahlale bezolile ngelixa iingxoxo kunye noNondyebo ziqhubeka.