I-R500m Yeziphaza Iyashiywa!
Inkxasomali Yamashishini Amancinane (Iziphaza).
NgoMvulo, uMphathiswa weSebe lamaShishini amaNcinane, uStella Ndabeni-Abrahams, uveze ukuba mancinci kakhulu amashishini axhamlayo kwinkxasomali eyi-R500 million eyabekelwa bucala ukuxhasa amashishini amancinane eMzantsi Afrika.
Lo mphathiswa uthe amashishini amancinane adlala indima ebalulekileyo kuqoqosho lwelizwe, ngakumbi iziphaza ezithenga isitokhwe kwiinkampani ezinkulu ukuze zithengisele uluntu kwiindawo ezihlala kuzo.
Eyona nto izise inkxalabo kukuba bambalwa abantu basekhaya abangenela ezorhwebo, nangona kukho amathuba enkxaso-mali. Uthe injongo yale nkqubo kukukhuthaza uluntu, ingakumbi ulutsha nabo bengenamisebenzi, ukuba bangene kushishino ukuze bakwazi ukuziphuhlisa.
Ukwaliseze ngelithi amagosa afuna izinyobo (or afumbathiswayo) kubantu abafuna ukuqala amashishini mawawuyeke loo mkhwa, kuba ubulala umdla kubantu abafuna ukuzimela kodwa bengenazo izixhobo okanye imali eyaneleyo.
“Inkxaso enje kufuneka ifikelele kubantu abafanelekileyo ngaphandle kwenkohlakalo,” utshilo uMphathiswa.
Ingaba zithini izimvo zakho mhlali?
